María

María Loftsdóttir fædd 1946. Alþýðulistakona og sjúkraliði. Listin hefur gert mér kleift að kynnast fólki sem hefur sama áhugamál og ég. Í starfi mínu sem sjúkraliði hjálpa ég fólki í veikindum, með jákvæðni, von og kærleika.

Þegar ég kem heim gleðja litirnir sálina og hreinsa hugann eftir amstur dagsins. Ég fékk snemma áhuga á myndlist og hef teiknað og málað frá barnæsku.

Í mörg ár hef ég sótt námskeið í myndlist þar á meðal Myndlistaskóla Reykjavíkur og Myndlistaskóla Kópavogs. Auk þess verið í myndlistarhópnum Litagleði sem hittist og málar yfir veturinn og er kennari hópsins, Ásdís Spanó. Einnig hef ég farið á námskeið til Bretlands, Skotlands, Danmerkur og nýlega til Svíþjóðar og Noregs.

Ég hef mikinn áhuga á ferðalögum og hef tekið með mér stóra blokk og vatnsliti og fangað liti og tilfinningu fyrir hverjum stað, síðast í Japan og Marokko. Listin hjálpar mér að endurnýja orkuna og ég vona að myndirnar mínar gefi ykkur sem skoðið heimasíðuna, gleði í hjarta.